; Аудит ; ; Јаношови се покажаа како обични криминалци, Стефан е самиот врв на криминалниот жаргон, Фала се смета за еден од најопасните, а Симон е таков злосторник какви што глумеше Ален Делон – од симпатија кон него не може човек да се ослободи. Виеслава Пишчик немаше таков шарм, а киднапирајќи дете, мислеше дека спроведува правдина. Анджеј Хермонович беше нападнат од мечка, Славек Штајтер се обложи за литар дека ќе истрча маратон, а Гжеѓож Галашински ја загуби својата личност буквално. Пјотр пиеше салицилен спирт, автовидол, денатуриран алкохол, лустрол, лазурол, топаз, кристал, капки за срце, желудечни капки и за црн дроб, вдишуваше и лепак. До денот кога случајна познаничка го однесе на богослужба. Од тогаш не ставил алкохол в уста. Пјотр Р., творец на анархистичкиот Народен фронт за ослободување, во 90-тите години изврши во Полска неколку терористички напади, сега би го дал животот за крофна со слатко. Со години е на психијатриско одделение. Јацек Хуго-Бадер повторно тргнува низ Полска, се враќа на случки, настани и места од пред дваесет, триесет години. Се среќава со јунаците на репортажите што излегуваа на насловните страници на Газета виборча. Бандити, скитници, преобратени, селани и избрани – лицето на современа Полска, од која толку лесно се одвраќа погледот. Репортерот открива дека неговите текстови од пред години имаат продолжение подобро од почетокот. Коедција со издавачката куќа Цзaрне. Жанр Репортажа; Автор Јацек Хуго-Бадер; Повез Тврд; Број на страници 488; Година на издавање 2018; Формат [cm] 14x22; Класа на производ S